കൂടെയുണ്ട് യേശുവെൻ കൂടെയുണ്ട്
കൂട്ടിനവൻ എന്നും കൂടെയുണ്ട്
കൂരിരുൾ താഴ്വരെ കൂടെയുണ്ട്
കൂട്ടാളിയായിട്ടെൻ കൂടെയുണ്ട്

ഭയപ്പെടെണ്ട ഞാൻ കൂടെയുണ്ട്
എന്നുര ചെയ്തവൻ കൂടെയുണ്ട്
പേടിക്കയില്ല ഞാൻ മരണത്തെയും
മരണത്തെ ജയിച്ചവൻ കൂടെയുണ്ട്

ആഴിയിൻ ആഴത്തിൽ കൂടെയുണ്ട്
ആകാശമേഘങ്ങളിൽ കൂടെയുണ്ട് (2)
ആവശ്യനേരത്തെൻ കൂടെയുണ്ട്
ആശ്വാസദായകൻ കൂടെയുണ്ട് (2)

വെള്ളത്തിൽ കൂടെ ഞാൻ നടന്നീടിലും
വെള്ളമെൻ മീതെ കവിയുകില്ല
വെന്തുപോകില്ല ഞാൻ തീയിൽ നടന്നാൽ
എൻ താതൻ എന്നോടു കൂടെയുണ്ട്

ബാഖായിൻ താഴ്വരെ കൂടെയുണ്ട്
യാക്കോബിൻ ദൈവമെൻ കൂടെയുണ്ട്2)
രോഗക്കിടക്കയിലും കൂടെയുണ്ട്
ലോകാന്ത്യത്തോളമെൻകൂടെയുണ്ട്(2)

യക്കോബിൻ ദൈവമെൻ കൂടെയുണ്ട്
രോഗക്കിടക്കയിലും കൂടെയുണ്ട്
ലോകന്ത്യത്തോളവും കൂടെയുണ്ട്
എൻ നാഥനെന്നോടു കൂടെയുണ്ട്