തേനിലും മധുരം വേദമല്ലാതി-
ന്നേതുണ്ടുചൊൽ തോഴാ…നീ
സശ്രദ്ധമിതിലെ സത്യങ്ങൾ
വായിച്ചു ധ്യാനിക്കുകെൻ തൊഴാ

മഞ്ഞുപോൽ ലോകമഹികൾ മുഴുവൻ
മാഞ്ഞിടുമെൻ തോഴാ…ദിവ്യ
രഞ്ജിത വചനം ഭഞ്ജിതമാകാ
ഫലം പൊഴിക്കും തോഴാ;-

തേനൊടു തേൻ കൂടതിലെ നൽതെളിതേ-
നിതിന്നു സമമോ തൊഴാ…ദിവ്യ
തിരുവചനം നിൻദുരിതമകറ്റാൻ
വഴിപറയും തോഴാ;-

പാർത്തലമിതിലെ ഭാഗ്യങ്ങളഖിലം
പരിണമിച്ചൊഴിഞ്ഞിടിലും… നിത്യ
പരമേശവചനം പാപിക്കു ശരണം
പരിചയിച്ചാൽ ന്യൂനം;-

പാർത്തലമിതിലെ ഭാഗ്യങ്ങളഖിലം
പരിണമിച്ചൊഴിഞ്ഞിടിലും… നിത്യ
പരമേശവചനം പാപിക്കു ശരണം
പരിചയിച്ചാൽ ന്യൂനം;- തേനിലും മധുരം