പ്രാക്കളെ പോൽ നാം പറന്നീടുമേ
പ്രാണപ്രിയൻ വരവിൽ
പ്രത്യാശയേറുന്നേ പൊന്മുഖം കാണുവാൻ
പ്രാണപ്രിയൻ വരുന്നു

1 കഷ്ടങ്ങളെല്ലാം തീർന്നിടുമേ
കാന്തനാം യേശു വരുമ്പോൾ
കാത്തിരുന്നിടാം ആത്മബലം ധരിക്കാം
കാലങ്ങളേറെയില്ല;- പ്രാക്കളെ..

2 യുദ്ധങ്ങൾ ക്ഷാമങ്ങളേറിടുമ്പോൾ
ഭാരപ്പെടേണ്ടതുണ്ടോ?
കാഹളം ധ്വനിക്കും വാനിൽ മണവാളൻ വരും
വിശുദ്ധിയോടൊരുങ്ങി നിൽക്കാം;- പ്രാക്കളെ..

3 ഈ ലോക ക്ലേശങ്ങളേറിടുമ്പോൾ
സാരമില്ലെന്നെണ്ണീടുക
നിത്യ സന്തോഷം ഹാ എത്രയോ ശ്രേഷ്ഠം
നിത്യമായങ്ങു വാണിടും;- പ്രാക്കളെ..

4 വീണ്ടെടുക്കപ്പെട്ട നാം പാടീടും
മ്യത്യവെ ജയമെവിടെ?
യുഗായുഗമായ് നാം പ്രീയൻ കൂടെന്നും
തേജസ്സിൽ വാസം ചെയ്തീടും;- പ്രാക്കളെ..