ഞാൻ ആരെ ഭയപ്പെടും എന്‍റെ വിശ്വാസ ജീവിതത്തിൽ(2)
ഭാരങ്ങൾ ഏറിടും സ്നേഹിതർ മാറിടും ജീവിതപാതകളിൽ(2)

യേശു എന്‍റെ കൂടെയുണ്ട്എന്‍റെ കോട്ടയും ശരണവുമേ(2)
ഒരു സൈന്യമെന്‍റെ നേരെ പാളയമിറങ്ങിയാൽ ഞാൻ ഭയപ്പെടില്ല(2)

സാരേഫാത്തിലും കെരീത്തിലും ചൂരച്ചെടിയുടെ ചുവട്ടിലും(2)
ഏലിയാവിനെ പോറ്റിയ ദൈവമെന്നെയും പോറ്റിടും(2);- യേശു…

കരുതും എന്നു ഞാൻ കരുതിയ ആരും വന്നില്ല കാണുവാൻ(2)
കരഞ്ഞു ഞാൻ എന്‍റെ ഭാരത്താൽ അരികിൽ വന്നവൻ സ്നേഹത്താൽ(2);- യേശു…

നാളെയെ ഓർത്ത് ഭാരമോ? നാളുകൾ ഏറെ ഇല്ലിനി(2)
കാഹളധ്വനി കേൾക്കുവാൻ കാലമില്ലിനി കാത്തിടാം(2);- യേശു…