നല്ലോരവകാശം തന്ന നാഥനെ
ഒന്നു കാണുവാന്‍ കൊതി ഏറിടുന്നേ
നിത്യജീവദാനം തന്ന യേശുവിന്‍
കൂടെ വാഴുവാന്‍ കൊതിയേറിടുന്നേ
(നല്ലോരവകാശം..)                 

പുറംപറമ്പില്‍ കിടന്ന എന്നെ
പറുദീസ നല്‍കാന്‍ തിരഞ്ഞെടുത്തു -പുറംപറമ്പില്‍…
നാശകരമായ കുഴിയില്‍ നിന്നും
യേശുവിന്‍റെ നാമം ഉയര്‍ച്ച തന്നു -നാശകരമായ…
(നല്ലോരവകാശം..)                   

കുഴഞ്ഞ ചേറ്റില്‍ കിടന്ന എന്നെ
വഴിയൊരുക്കി കര കയറ്റി -കുഴഞ്ഞ ചേറ്റില്‍…
പാളയത്തിന്‍റെ പുറത്തു നിന്നും
പാനപാത്രത്തിന്നവകാശിയായ് -പാളയത്തിന്‍റെ…
(നല്ലോരവകാശം..)                   

കുരിശെടുക്കാന്‍ കൃപ ലഭിച്ച
കുറയനക്കാരില്‍ ഒരുവന്‍ ഞാനും -കുരിശെടുക്കാന്‍…
പറന്നിടുമേ ഞാനും പറന്നിടുമേ
പ്രിയന്‍ വരുമ്പോള്‍ വാനില്‍ പറന്നിടുമേ -പറന്നിടുമേ…
(നല്ലോരവകാശം..)