ദയ ലഭിച്ചോർ നാം സ്തുതിച്ചീടുവോം
അതിനു യോഗ്യൻ ക്രിസ്തുവത്രെ
മാധുര്യരാഗമാം ഗീതങ്ങളാലെ
അവനെ നാം പുകഴ്ത്തീടാം

നിൻ തിരുമേനിയറുക്കപ്പെട്ടു നിൻ
രുധിരത്തിൻ വിലയായ് വാങ്ങിയതാം
ഗോത്രങ്ങൾ ഭാഷകൾ വംശങ്ങൾ
ജാതികൾ സർവ്വവും ചേർത്തുകൊണ്ട്;- ദയ…

പാപത്തിന്നധീനതയിൽ നിന്നീ
യടിയാനെ നീ വിടുവിച്ചു
അത്ഭുതമാർന്നൊളിയിൽ പ്രീയനോടെ
രാജ്യത്തിലാക്കിയതാൽ;- ദയ…

വീഴുന്നു പ്രീയനെ വാഴ്ത്തിടുവാൻ
സിംഹാസനവാസികളും താൻ
ആയവനരുളിയ രക്ഷയിൻ മഹിമക്കായ്
കിരീടങ്ങൾ താഴെയിട്ടും;- ദയ…

യേശുതാൻ വേഗം വരുന്നതിനാൽ
മുഴങ്കാൽ മടക്കി നമസ്കരിക്കാം-നമ്മെ
സ്നേഹിച്ച യേശുവേ കണ്ടീടുവോം നാം
ആനന്ദനാളതിലേ;- ദയ…