അര്‍ഹിക്കാത്തത് നല്‍കി നീയെന്നെ
അന്ധനാക്കരുതേശുവേ
അര്‍ഹിക്കുന്നത് നല്‍കാതെ നാഥാ
ആര്‍ത്തനാക്കരുതെന്നെ നീ
ആശ്രയം നിന്‍റെ വന്‍ കൃപ
ആലംബം എന്നും നിന്‍ വരം -ആശ്രയം…
കൈവല്യം നല്‍കും സാന്ത്വനം
അര്‍ഹിക്കാത്തത്…                 

സ്നേഹം മാത്രമെന്‍ മനസ്സില്‍
സത്യം മാത്രമെന്‍ വചസ്സില്‍ -സ്നേഹം…
നന്മകള്‍ മാത്രം നിനവില്‍
ആത്മചൈതന്യം വാഴ്വില്‍
നീയെനിക്കെന്നും നല്‍കണേ എന്‍റെ
നീതിമാനാകും ദൈവമേ
അര്‍ഹിക്കാത്തത്…                 

പാപത്തിന്‍ ഇരുള്‍ വനത്തില്‍
പാത കാട്ടി നീ നയിക്കൂ -പാപത്തിന്‍…
ജീവിതത്തിന്‍റെ നിഴലില്‍
നിത്യശോഭയായ് നിറയൂ
പാറമേല്‍ തീര്‍ത്ത കോട്ടയില്‍ എന്‍റെ
മാനസത്തില്‍ നീ വാഴണേ
അര്‍ഹിക്കാത്തത്…