അൻപിൻ നാഥനെ നീ മതിയേ
ആശ്രയിപ്പാൻ യോഗ്യനായവനെ(2)
പാടിടും ഞാൻ എന്നും നിനക്കായ്
പാർത്തിടും ഞാൻ നിൻ തണലിൽ(2)

ആർപ്പോടെ ഞാൻ എൻ വീട്ടിലെത്തിടും
എൻ പാടുകൾ എല്ലാം മറന്നിടും
ഓർത്തീടുമ്പോൾ എൻ പാദം പൊങ്ങുന്നേ
പാർത്തീടുന്നേ ആ പൊൻ ദിനം നാഥാ

ഭക്തർ നീതി പ്രഭാതം പോലെ
വിളങ്ങിടും ന്യായം മദ്ധ്യാഹന്നം പോലെ(2)
തമസ്സിൽ ഉദിക്കും വെളിച്ചമായി
നേരുള്ളോർക്കേകും തലമുറയായ്(2);- ആർ…

ലാഭമായൊന്നും എണ്ണുന്നില്ലേ
ലോകത്തിൽ എൻ യാത്രയതിൽ(2)
ഓടുന്നു ഞാൻ ലാക്കിലേക്ക്
വാടാകിരീടം പ്രാപിച്ചിടാൻ(2);- ആർ…

നിന്ദ അപമാനം പഴി ദുഷികൾ
പർവ്വതസമായെന്നെ മൂടുമ്പോൾ(2)
ആശ്രയിക്കും ക്രൂശിൻ നാഥനെ
നിന്നെ നോക്കി ഞാൻ യാത്ര ചെയ്യും(2);- ആർ…

യാഹിൽ ആശ്രയം വെച്ചിടുന്നോർ
സീയോൻ പർവ്വതം പോൽ നിലനിന്നിടും
ഉല്ലാസത്തിൻ ജയഘോഷങ്ങളാലെൻ
കൂടാരത്തെ മുറ്റും നിറച്ചിടുമേ;- ആർ…